فى انجليش كلينك او غيرها من شركات تدريب اللغات بيبقى في ناس بتقدم على الكورسات وبتفتكر ان التقديم هو كل حاجه المفروض يعملوها.. يؤسفنى ابلغك ان على قد ما دى خطوه ايجابية بس ده مش كل حاجه!!
لو مسكنا الموضوع من بداية, كلمة Instructor يعنى “محاضر” مشتقة اصلا من كلمة “Instructions” ف بالنسبة لينا المحاضر نوعا ما هو الشخص اللى بيديلنا التعليمات والخطوات اللى المفروض نمشى عليها.
ايوه انا كطالب هعمل ايه يعنى؟؟
1- لازم عليك تفهم ان اللى قدامك مش ساحر ده محاضر وانك لازم تبذل مجهود كبير علشان تتحسن.
2- التطبيق ثم التطبيق ثم التطبيق .. تعالى نتخيل انك بتاخد محاضرة ف ازاى تكون جملة بالانجليزى, ايه هيكون غرض المحاضر غير انك تعمل جمل كتييييييير؟ّ كمان ايه رايك لو تطبق الكلام ده على مجالك! يعنى لو انت مثلا قدمت على الكورس علشان تتعلم ازاى تكتب email ف ايه رايك لو تستخدم تكوين الجمل فى المجال بتاعك!
3- القواعد اللى بتتعلمها كل يوم + الكلمات الجديدة مش بنقولها علشان ننفى الجهالة عنها او علشان تبقى سمعت عنها فى يوم من الايام, تانى افكرك لازم تستخدمها كتييييييير وتطبق عليها.
4- لو اعتمادك على الكورس وبس يبقى هتتحسن بشكل بطيء جدا. لازم تسمع انجليزى لو عاوز تتحسن فى التحدث ولازم يبقى فى جزء ممارسة مع اي حد.
5- حب الانجليزى وخلى عندك يقين انك هتتحسن. عمرك ما هتبقى كويس فى شيئ بتكرهه
