1- وجود عامل محفز
من الجانب النظري كتير من قصص الافلام بتتشابة مع قصص حياتيه ف جوانب كتييرة وده بيخلى بعض الافلام ملهمة ومحفزة. ومن الجانب العملى كونك بتسمع انجليزى صح من اهله ده بيساعدك تتعلم النطق السليم والمعنى فى سياق جملة.
2- تجربة تعليمية سهلة
لما بتتعلم من الافلام مش بتضر تمسك كتاب وتجاوب على اسألة وتكتب وتعمل ابحاث بالعكس تماما, انت لو راقبت نفسك هتلاقيك اتعلمت حاجات كتييره عن طريق اليوتيوب لكونك بتجد الطريق اسهل واسرع من انك تقراء كتاب عن نفس الحاجه. غير ان فى افلام كتييرة بتناقش مواضيع معقدة زى سوق الاوراق المالية, السفر عبر الزمن, الثقوب السوداء, والقضايا الاجتماعية وغيرها من الموضوعات بطريقة ممتعة وسهلة
3- مفيش ضغط
بناء على انها تجربة تعليمية سهلة ف طبيعى ميبقاش فيها ضغط. خلينا نتفق ان كل واحد فينا عنده مليون حاجه بيعملها وبتخليه تحت ضغط وعلى الرغم من ده الا اننا لازم نتعلم انجليزى. من خلال الافلام بتلاقى نفسك بتتحسن من غير ما تعقيد وفعلا كتيير اكتسبو لغات كتير مش انجليزى بس من خلال نفس الطريقه
4- التقدم السريع
خلينا نتفق ان اللى اجمع عليه كل اللى بيتكلمو انجليزى هوا انهم كانو بيسمعو كتيير ويرددو اللى بيسمعوه وده لان اكتر طريقة تفاعليه هيا الاستماع لاهل اللغه الاصليين ومحادثاتهم وده اللى الافلام بتعمله
5- تبادل الثقافات
الافلام والاغانى غالبا ما بتساعدنا نفهم ثقافات وعادات الشعوب التانيه ودى نقطه مهمة جدا لاى حد بيفكر يسافر او يتعامل مع متحدثين اللغه دى وكمان بيسهل علينا نفهم معانى المصطلحات الحقيقى مش المعنى الحرفى.
6- التطبيق
لما بتاخد كورس بيبقى نفسك تعرف لأى مدى اللى بتدرسه ليه علاقة باللغة اللى بنتكلمها وبالتالى كتير من المحاضرين بيستعين بالافلام لشرح قاعدة معينة ( بينى وبينكم احنا كمان بنعمل كده) وبالتالى مهم جدا المحتوى ميكونش نظرى فقط بل ممزوج بالتطبيق العملي.
فى النقاط اللى فوق حاولنا نوضح ليه الافلام هيا من الطرق الناجحة فى تعلم اى لغه وبالاخص الانجليزى ونتمنى تطبيق ده فى كل مكان زى عندنا
